Nga stadiumi “Air Albania”, ku po zhvillohet kuvendi i PD, Ish-kryeministri Sali Berisha akuzoi liderin e Lulzim Bashën se në këto 8 vite nuk ka bërë asnjë kundër regjimit të Ramës.
Teksa kujtoi kohën kur Basha drejtonte bashkinë e Tiranës, Berisha tha se ai nuk lëvizi as një gjethe në protestën e fuqishme të Tiranës dhe nuk i vuri kufirin te thana Ramës.
Ndër të tjera, ai e konsideroi Bashën si një burracak pasi refuzoi të dorëhiqej kur humbi zgjedhjet e 25 prillit, por sulmoi strukturat e PD.
“Pasi tradhtoi votën e shqiptarëve ai vijoi krimin e tij duke shkelmuar sovranitetin e PD dorëzoi sovranitetin e tij për të shpëtuar kokën e tij sepse burracaku nuk kishte karakter të jepte dorëheqjen, pas kësaj ai shkelmoi në vazhdim statutin, instaloi forume anti-demokratike, përjashtoi drejtues të saj, pa asnjë konsultë pa asnjë analizë. Sulmoi partnerët tanë të shkëlqyer, FRPD dhe lidhjen demokratike të gruas. Pas 8 vitesh partinë e vlerës konservatore e spostoi majtas. Në këto kushte të shumtë ishin ata që besonin se PD duhet të shkrihet, sepse PD mbaroi misionin e saj, sepse ajo është një forcë që nuk fiton dot. Demokratët në mbarë vendin u bashkuan me nismën shpëtimtare të foltores. Ata vendosën me diskutimet e tyre dhe debatet e lira dhe përkushtimin më të madh si njerëzit më të lirë të këtij vendi të rithemelojnë forcën politike të tyre, që ne sot “de jure” e bëjmë realitet. Shqipëria në Europë mbetet objektivi më madhor i programit tonë”, tha Berisha.
Discussion about this post