Gjykata e Apelit në Tiranë vendosi dënimin me 9 vite burg për 39-vjeçaren Violeta Donaj, e cila tre vite më parë vrau Kujtim Donajn, bashkëshortin e saj në tregun e Milotit. Ngjarja e rëndë ndodhi më 17 qershor të vitit 2018, Violeta Donaj ekzekutoi bashkëshortin me armë zjarri.
Gjykata e Apelit ndryshon cilësimin e veprës penale me argumentimin se autorja e krimit kreu vrasjen në kushtet e tronditjes së fortë psikologjike.
Gjykata pranoi kërkesën e gruas për ndryshimin e vendimit penal, përsa i përket cilësimit juridik të veprës penale nga “Vrasja për shkak të marrëdhënieve familjare” në veprën penale “Vrasje e kryer në kushtet e tronditjes së fortë psikike” dhe në zbatim te nënit 55 te K.Penal. “Me ndryshimin e veprës penale, dënimi përfundimtar i të pandehurës Violeta Donaj bëhet 9 vjet burg” thuhet në njoftimin e gjykates
Më 9 tetor 2020 Gjykata e Kurbinit e kishte dënuar me 17 vite burg për kryerjen e e veprës penale “Vrasja per shkak te marrëdhënieve familjare”, e parashikuar nga neni 79/c i K.Penal, “ Prodhim dhe mbajtja pa leje e armëve, armëve shpërthyese dhe municionit ”, e parashikuar nga neni 278/1 i K.Penal.
Ngjarja e rëndë, që tronditi banorët e zonës ndodhi rreth orës 7 të mëngjesit të së dielës, 17 gusht 2018. Çifti Donaj, prindër të dy fëmijëve, frekuentonin çdo fundjavë këtë treg, ku shisnin produkte të ndryshme dhe me të ardhurat e përfituara mbanin familjen.
Pasi ka qëlluar me katër plumba ndaj Kujtim Donaj, 35 vjeçarja tentoi të largohet, por u vu në pranga nga uniformat blu. Atëherë në dëshminë e parë që u publikua në media gruaja kishte thënë se bashkëshorti i saj luante bixhioz dhe ishte xheloz , situate kjo që shkaktonte debate në familje dhe që e detyroi atë të kryente krimin.
Në aplikim e gjykimit të shkurtuar dënimin përfundimisht me 17 vjet burgim.Çështja në apel u shqyrtua mbi bazën e ankimit të bërë nga e pandehura Violeta Donaj, ku kërkoi ndryshimin e vendimit penal, për sa i përket cilësimit juridik të veprës penale nga “Vrasja për shkak te marrëdhënieve familjare” në veprën penale “Vrasje e kryer në kushtet e tronditjes së fortë psikike”.
Gjykimi lidhur me çështjen penale me të pandehurën Violeta Donaj,u zhvillua në Gjykatën e Rrethit Gjyqësor Kurbin për kryerjen e veprës penale “Vrasja për shkak te marrëdhënieve familjare”, e parashikuar nga neni 79/c i K.Penal, “Prodhim dhe mbajtja pa leje e armëve, armëve shpërthyese dhe municionit ”, e parashikuar nga neni 278/1 i K.Penal.
Në vijim, Gjykata e Apelit Tiranë me vendimin nr. 485 datë 26.10.2021 vendosi: – Lënien në fuqi të vendimit nr.1008-136, datë 09.10.2020 të Gjykatës së Rrethit Gjyqësor Kurbin, lidhur me veprën penale të parashikuar nga neni 278/1 i K.Penal. Ndryshimin e këtij vendimi për pjesën tjetër të tij, si më poshtë: Deklarimin fajtore të të pandehurës V.D, për kryerjen e veprës penale “Vrasje e kryer në kushtet e tronditjes së fortë psikike” parashikuar nga neni 82 i K.Penal dhe dënimin e saj me 7 vjet burgim. Ne zbatim te nenit 55 te K.Penal, dënimin përfundimtar të të pandehurës me 9 vjet burgim.
