Deputetja e PS-së Blerina Gjylameti ka reaguar pas akuzave të kryedemokratit Lulzim Basha, i cili tha dje se ka qenë bashkëshorti i saj që ka sjellë nga Italia skenën e 11 dhjetorit në Air Albania për ish-kryeministrin Sali Berisha.
Gjylameti ironizon duke thënë se e mirëkupton gjendjen e vështirë në të cilën ndodhet kreu i PD, por se kjo nuk i justifikon halucinacionet duke e akuzuar për shpifje.
Ajo shkruan se kompania për të cilën foli Basha nuk ka asnjë lidhje me familjarët e saj, ndërsa paralajmëroi hedhjen në gjyq të kreut të PD.
“E mirëkuptoj gjendjen e vështirë psikologjike në të cilën ndodhesh në këto momente, por kjo nuk i justifikon në asnjë moment halucinacionet, aq më tepër kur je dhe shpifës recidivist. Kompania që thua nuk ka asnjë lidhje me mua, e me familjarët e mi e për këtë bashkë do shihemi në gjyq me shpresën që nuk do i shpëtosh drejtësisë si çdo herë me justifikime qesharake”, shkruan Gjylameti.
Discussion about this post