Valdete Mamaj, gruaja që u vra dje me thikë nga bashkëshorti i saj në fshatin Sheq i Madh do të varroset në Levan, vendlindje e prindërve të saj. Mediat zbuluan se banesa ku jetonte viktima dhe bashkëshorti i saj është mbyllur pas ngjarjes tronditëse.
Një mikesh pranë familjes së viktimës Valdete Mamaj, tha për mediat se çifti kishte probleme dhe grindeshin shpesh, pasi Petrit Mamaj ishte xheloz.
“E kam pasur shoqe. Familje shumë e mirë, nuk e meritonte. Kanë pasur probleme si çift, ishte xheloz ai dhe shpesh i sëmurë. Për banesën e fundit po e përcjellin nëna, motra, vëllai, fëmijët”, tha ajo.
Nga ana tjetër, mes dhimbjes për ngjarjen makabre siç edhe e cilësoi vetë, kushëriri i viktimës Valdete Mamaj, Sokrat Brahimaj tha për mediat se autori i vrasjes dhe bashkëshorti i saj Petrit Mamaj, ishte me të meta mendore dhe herë e ruante qetësinë, ndërsa herë nuk e ruante. Ai sqaroi se shpesh i kanë thënë të ndjerës të divorcohej, por ajo nuk pranonte për hatër të fëmijëve.
“Këtu jeton nëna e vajzës, ka dy vajza të tjera, djalin e ka në SHBA. Kjo ishte një ngjarje e dhimbshme, ka bërë një vrasje makabre dhëndri. Ai ka qenë me të meta mendore, këtu e ruante qetësinë, këtu kalonte. Nuk u divorcuan, kishin një djalë një vajzë. I kemi thënë vajzës të divorcohet, por nuk pranoi prej fëmijëve. Ka qenë problematik nga mendja. Herë pas here ushtronte dhunë, por nuk e prisnim të arrinte në këtë ekstrem. Nuk e ka denoncuar për hatër të fëmijëve”, tha ai.
Kujtojmë se fillimisht ngjarja është njoftuar si një vetëvrasje, por pas kqyrjes së trupit nga ana e autioriteteve u arrit në konkluzionin se viktima ishte vrarë më një thikë në zemër që rezultoi të ishte fatale dhe më pas me disa goditje të tjera.
Discussion about this post