Analisti Andi Bushati ka bërë sot një deklaratë të fortë lidhur me qeverinë. Ai ka komentuar deklaratën e Ramës për SPAK dhe ka thënë se kryeministri se i ka bërë të gjitha kritikat nën siglën e PS-së dhe jo si kryeministër. Bushati thotë se SPAK është nën kontrollin e Ramës, por sulmet lidhen me dyshimet për arrestimin e një ministri. Pra, ka shumë shanse që së shpejti do të shohim në prangat e SPAK një tjetër anëtar të kabinetit qeveritar.
“Ka hipoteza që Rama ka planifikuar të shesë dhe një ministër tjetër, por që ta çojë në burg duke e mbajtur si mik, i thotë që e shikon s’kam dorë tek SPAK-u”, tha analisti.
Analisti thotë se kryeministri nuk duhet të sillet si “profesor”, por të japë “llogari me kokën ulur” për të gjitha dështimet dhe gjërat që nuk shkojnë. Gjithsesi, ai shprehet se me këto deklarata Rama do të tregojë që po sundon edhe sistemin e drejtësisë, ndërsa deklarata për kryebashkiakët është kërcënim i hapur.
Discussion about this post