Bushati: Në SPAK janë minj bodrumesh, nëse nuk kapin kryehajdutin Rama duhet të mbyllet

Analisti Andi Bushati tha se SPAK duhet të mbyllet nëse nuk heton Edi Ramën, pasi sipas tij ky institucion u bë mashë e kryeministrit.

Edhe Task Forcë e SPAK për zgjedhjet e konsideron të dështuar  ndërkohë që tha se SPAK i shërbeu Ramës  duke goditur vetëm kundërshtarët e tij, ose ish bashkëpunëtorë që i kanë dalë kundër

“Po godite vetëm klientelistët e njërës palë, fiton ky klientelisti tjetër, kaq bën SPAK-u….

Unë them është mashë e Ramës, nuk e kritikoj, e denoncoj.

Ai është kryehajduti, po nuk kape kryebanditin, të mbyllet!

Janë minj bodrumesh pra.

SPAK gjithmonë i ka shërbyer Edi Ramës, por këtë herë e bëri me çmimin e diskretitimit edhe për ata që kishin iluzion për SPAK-un. Këta janë të vegjël në numër, por jo të vegjël për të gjetur krim te Tom Doshi,apo kryetari i bashkisë së Vaut të Dejës që Rama e denoncon publikisht dhe i thotë po luan me dy porta.

Menjëherë vërsulen zagarët e SPAK, që ti hapin çështje.  Në këtë kuptim janë qesharakë, sepse nuk na kanë zbardhur lobimin e McGonigal. Dolën në fushatë brenda ditës me deklaratë politike, që do të merremi me lobimin e PD. Pse? Për fushatë, se mediat e Ramës duhet të nxirrnin menjëherë që me këtë çështje, po merret SPAK. Pra, këtu nuk kam habi si u soll SPAK, por besoj se SPAK ka tradhtuar idiotët e dobishëm, që deri tani mundoheshin ta mbronin.

Argumenti i fundit që kam, është çështja Veliaj. Nëse këtyre që unë i quaj idiotët e dobishëm, i dha frymëmarrje Veliaj, sepse thuhej ja ç’bëri SPAK, goditi Ramën para zgjedhjeve duke i hequr kryetarin e Bashkisë së Tiranës. Tani zgjedhjet mbaruan. Argumenti i idiotëve të dobishëm se Ramës kjo do ti prishte punë ra, sepse tregoi që Rama mori një deputet më shumë, por minimum mori njësoj. Efekti Veliaj është zero”, tha ndër të tjera Bushati.