Erion Veliaj do të luajë rolin e ushtarit të Edi Ramës, mes atyre ushtarëve të shumtë që ka Kryeministri. Kështu u shpreh analisti Andi Bushati në studion e MCN TV.
“Veliaj është një njeri që ka influencë në media, ka deputetët e tij, ka influencë në organet e reja të drejtësisë, por nisur nga pushteti që ka Edi Rama ai do të mbetet thjesht një nga lakejt e shumtë që ka Kryeministri. Vërtet nga fuqia, në opinionin publik, Veliaj konsiderohet si numri dy i Partisë Socialiste, por nuk shoh një betejë mes tij dhe Edi Ramës, nuk mendoj se ai do të sfidojë Edi Ramën”, tha Bushati.
Ai u shpreh se Kryebashkiaku i Tiranës është një nga njerëzit e bindur, që kur i thotë Edi Rama shko ruaj lopën ai e bën këtë detyrë me zell.
“Nuk duhet të harroni se Veliaj, përtej problemeve politike që mund ti shkaktojë Edi Rama, pasi ai ka mandatin e fundit si kryebashkiak, i druhet edhe lëvizjeve që mund të bëjë SPAK, ndaj dhe nuk e shikoj si një personazh që mund të rivalizojë Edi Ramën”, tha Bushati.
Discussion about this post