Mark Nika, xhaxhai i Aleks Nikës, njërit prej viktimave të 21 janarit 2011, foli sonte në emsionin ‘Të Paekspozuarit”, në MCN TV, për hetimet që vijojnë prej 13 vitesh. Ai e vlerësoi qëndrimin e Edi Ramës, por u kundërshtua nga analisti Andi Bushati që tha se Agron Malaj, njëri prej gardistëve të 21 janarit është bërë kryetar i PS-së dhe bashkisë së Matit.
Sipas Bushatit Edi Rama ka çuar përfaqësues të Partisë Socialiste dhe kryebashkiak një njeri që ka pranuar të marrë shpërblim për vrasjet e 21 janarit.
Biseda:
Mark Nika: Pa u krijuar SPAK, ne kemi shpresuar se shteti do të krijonte një prokurori speciale me juristë dhe profesionistë të shkëlqyer ndaj u krijua SPAK-u për të hetuar këta njerëz me imunitet. SPAK është i vetmi organ që heton këta persona nga kryeministri, ministri dhe persona me rëndësi.
Në vendim e Gjykatës së Strasburgut thuhet se kanë përgjegjësi kuadri komandues të 21 janarit. Prokuroria e Tiranës duhet të shpallë inkomeptencën dhe t’ia kalojë për hetim prokurorisë së posaçme.
Ylli Rakipi: Jeni i kënaqur nga qëndrimet e kryeministrit?
Mark Nika: Kryeministrit i kemi kërkuar ndihmë për policinë kriminale që është në varësi të Ministrisë së Brendshme që të jetë më aktive, por me sa kam qenë në dijeni, ata nuk kanë qenë të gatshëm.
Prokuroria e Tiranës ka luajtur pingpong me dosjen.
Ylli Rakipi: E di pse këmbëngul unë? Se më duket se Edi Rama po përfiton politikisht. Po të përmend një fakt meqë ti je marrë me ligjin. Përmendet shpesh që Agron Malaj, njëri prej gardistëve, Edi Rama e bëri kryebashkiak të Matit. Ju keni një qëndrim për këtë?
Mark Nika: Sipas hetimit të deritanishëm, ai nuk është implikuar në krim.
Andi Bushati: Vërtet ai nuk është përfshirë në krim, por ai është nga njerëzit që ka marrë shpërblim në lekë ngaqë Garda ka vrarë 4 protestues. Edi Rama ka çuar përfaqësues të Partisë Socialiste dhe kryebashkiak një njeri që ka pranuar të marrë shpërblim për vrasjet e 21 janarit. Sot klienti më i madh i Edi Ramës është televizioni Klan, ku u dha ajo video ku protestuesit janë vrarë nga turma. Sot po të shikosh ku shkojnë fondet okulte dhe jookulte të qeverisë, shkojnë te Klani, pikërisht ai televizion që transmetoi atë video që i dha Berishës mundësinë më pas të fliste për thika me helm, për shkopa, revole të fshehura. Sot unë jam me Edi Ramën që kjo çështje të shkojë në SPAK dhe duhet thelluar se me këtë çështje janë tallur. Por politikisht Edi Rama ka bërë hipokrizi dhe është tallur me gjakun e të vrarëve.
Discussion about this post