Bushka përjashton nga Kuvendi 6 deputetë të PD, ja kush shpëton…

Socialistët në Komisionin e Etikës përjashtuan për 10 ditë nga punimet e Kuvendit 5 deputetë, ndërkohë që një i 6 është përjashtuar për 3 ditë.

Vendimi është marrë në një mbledhje pa praninë e deputetëve të opozitës dhe pa u lejuar 7 ligjvënësit e PD-së që të japin dëshminë apo shpjegimet e tyre në Komisionin e Etikës.

Komisioni i Etyikës zhvilloi mbledhjen në zyrën e grupit parlamentar socialist, ndërsa Klotilda Bushka dukej se kishte marrë vendimin pa nisur mbledhja.

Deputetët e përjashtuar për 10 ditë nga Kuvendi janë Bledion Nallbatit, Flamur Noka, Edi Paloka, Albana Vokshi dhe Gazment Bardhi. Ndërkohë Saimir Korreshi u përjashtua vetëm për 3 ditë, ndërsa ndaj Lefter Gështenjës nuk u morr asnjë masë.

Vendimi i marrë nga socialistët, ashtu sikundër është paralajmëruar më herët, nuk do të njihet nga opozita, e cila ka deklaruar se do të vijojë aksionin opozitar në Parlament.