Deliri i madhështisë duket se nuk ka fund për kryeministrin Edi Rama. Ai që quhej ‘Skëndërbeu i Spiropalit’, tashmë duket se edhe vete kreu i qeverisë beson se është me të vërtetë ‘Skënderbe’. Pasi po shfaqet si lider global, duket se Rama kërkon të marrë edhe atributet e heroit tonë kombetar.
Këtë fakt e ka denoncuar një shqiptar në prezantimin e bustit të Heroit Kombëtar Gjergj Kastriot Skënderbeut te arbëreshët në Itali.
Sipas denoncimit të Alban Çakallit, i cili është marrë me skulpturë, busti i Skënderbeut i prezantuar në Itali, ku ka marrë pjesë edhe kryeparlamentarjaElisa Spiropali, është busti i Ramës, me përkrenaren e Skënderbeut.
‘Ju them me plot bindje që ky busti është Rama identik. Skulptori që e ka bërë duhet të japë shpjegime se përse ka vendosur ta bëjë Ramën me përkrenaren e Skënderbeut’, shkruan ai.
Për këtë ka reaguar edhe lideri demokrat Sali Berisha, i cili e ka cilësuar transformimin e pamjes së Skënderbeut në bustin që u inaguarua te Komuniteti Arbëresh, në Itali, si një akt poshtërues anti-kombëtar.
Sipas Berishës, zëvendësimi i fytyrës së heroit kombëtar me atë të narko-trafikantit, Edi Rama është një përdhosje e figurës së Skenderbeut, historisë dhe kombit shqiptar.
Për Berishën, një akt i tillë është njëjtë sikur të zëvendësosh, fytyrën e Bolivarit me fytyrën e Eskobarit
“Një akt poshtërues anti-kombëtar! Transformimi i pamjes së Skënderbeut, zëvendësimi i fytyrës së heroit tonë kombëtar Gjergj Kastrioti Skenderbeu me surratin e narko-trafikantit Edi Rama është një përdhosje e figurës së Skenderbeut, historisë tonë dhe mbarë kombit shqiptar. Kjo do të ishte njëlloj sikur të zëvendësosh fytyrën e Bolivarit me fytyrën e Eskobarit”, shkruan Berisha.
Discussion about this post