Ish-kryeministri Sali Berisha ka akuzuar kryeminstrin Edi Rama si të përfshirë në skandalin e ndërtimeve në Butrint.
Në konferencën për mediat, Berisha bëri me dije se në territorin e Manastirit po ndërton resortin turistik njeriu, miku i Edi Ramës.
Berisha gjithashtu theksoi se laguna është dhënë për ndërtimin e 620 vilave ku lan paratë Edi Rama dhe qeveritarët e tij.
“Aferat janë zinxhirë. Ju keni dëgjuar këto ditë për Butrintin. Butrinti është një aferë multidimensionale, e paimagjinueshme. Në territorin e gjirit ku ka një manastir, kisha. Në vend që toka trualli, territori t’i rikthehet kishës e manastiri është një jo vetëm institucion kulti, por dhe shumë i çmuar kulturor, aty në territorin e manastirit po ndërton resortin turistik njeriu, miku, i Edi Ramës, natyrisht ku vetë ai mund të jetë aksioner. Duke uzurpuar pronën publike. Laguna e cila është dhënë për ndërtimin e 620 vilave ku lan paratë Edi Rama dhe qeveritarët e tij. 620 vila te kepi i Stillos”, tha Berisha.
Discussion about this post