Menjëherë pas deklaratës së ministres së Kulturës Elva Margariti për çështjen e Butrintit ka reaguar Forumi për Mbrojtjen e Trashëgimisë Kulturore me anë të një statusi në rrjetet sociale. Forumi i drejton dy pyetje ministres, ndërsa kërkon të sqarohet dhe opinioni publik në lidhje me koncesionin.
Pyetja e parë e Forumit lidhet me administruesit e Butrintit ku pyet për CV-të e bordit që do të administrojnë Butrintin si Trashëgimi Kulturore. Forumi deklaron se askush nga specialistët që po kundërshtojnë mënyrën se si Ministria e Kulturës po kërkon të japë një prej pasurive më të rëndësishme të trashëgimisë nuk ka denoncuar shitjen e tij.
Pyetja e dytë lidhet me bordin e krijuar të Butrintit në vitin 2000 me anëtarë nga Instituti i Arkeologjisë, Instituti i Monumenteve, Agjencia e Mjedisit, pushteti vendor dhe zyra e UNESCO-s. Pyetja që shtrohet nga Forumi është: Përse ky bord nuk ekziston më? A ka arsye që ministria e ka mbyllur këtë bord?
“A ka arsye që ministria e ka mbyllur këtë bord? Bazuar në cilën VKM ky bord ka pushuar së ekzistuari?”, deklaron Forumi për Mbrojtjen e Trashëgimisë Kulturore”, mbyllen pyetjet që i drejtohen ministres së Kulturës Elva Margariti.
Debati për Butrintin ka nisur prej disa ditësh pasi qeveria kërkoi t’ia kalojë Fondacionit Shqiptaro-Amerikan AADF ku fillimisht ministria e Kulturës deklaroi procedurën sekrete duke sjellë dhe kundërshtimin e fortë të deputetes së Partisë Demokratike Ina Zhupa për një marrëveshje e cila sipas saj e jep me koncesion për 10 vjet Butrintin në dorë të të huajve.
Discussion about this post