Në seancën e sotme plenare, deputetja demokrate Ina Zhupa ka zhvilluar një Interpelancë me ministren e Kulturës, Elva Margariti për çështjen e menaxhimit të Parkut Kombëtar të Butrintit ku nuk kanë munguar përplasjet.
Në fjalën e saj, ministrja hodhi poshtë akuzat e Zhupës se Butrinti po i kalon privatit duke ironizuar se për ata që shikojnë ëndrra me kulla, aty nuk do të ketë asgjë të tillë.
“Diskutimi për këtë projektligj ka qenë i gjatë, disa kolegë të opozitës kanë ende pikëpyetje. Do të sqarojmë ata që kanë hapësira për sqarime, duan të ndezin disa llampushka të një publiciteti. Do e ripërsëris se dhe pas votimit, Butrinti do të jetë pronë e shtetit e nuk do i jepet asnjë privati. Ky fondacion i financuar nga ministria do të monitorohet nga ne për të kontrolluar fondacionin, në krye të fondacionit është bordi. Fondacioni funksionon sipas ligjit të OJF, duke hedhur poshtë çdo alibi. Çdo qindarke do të mbetet në Butrint. 5 mln dollarë janë dhënë në formën e marrëveshjes së grantit. Ata që shikojnë ëndrra me kulla e hotele nuk do të ketë asnjë të këtij lloji, do parashikohet ngritja e një qendre dinjitoze. Do të sigurohet transport ekologjik, autobus e varka, që në vitin e parë duke filluar punën për të ndryshuar imazhin e Butrintit. Do të ketë shtim të punonjësve, do të ketë 110. Janë parashikuar grante për komunitetin, do të jepen për banorët me fokus promovimin e produktit vendas. Për herë të parë arka e Butrintit do të funksionojë në fondin e trashëgimisë kulturore. Më lejoni t’ju mërzis dhe një herë se plani ka 80 ekspertë dhe shqiptarë. Hapni takimin e bërë në Plaza që u transmetua live”, tha Margariti.
Discussion about this post