Nënkryetarja e PD-së dhe deputetja Grida Duma e konsideroi projekt-buxhetin e viti 2022 si një buxhet mjeran, ndërsa i është përgjigjur deklaratave të djeshme të kryeministrit Edi Rama për opozitën.
Ndërsa kujtoi kohën kur Rama ishte kryebashkiak, Duma ironizoi duke thënë se kur lëvizje në qytet, të dukej vetja në një ekspozitë të një kryeqyteti psikopatësh.
“Rama tha se ju nuk ekzistoni që nuk është një marrëdhënie me buxhetin, është një marrëdhënie civilizimesh. Ne na ndajnë civilizimet bashkë se ju tha mund të vini këtu dhe i hiqni. Ky buxheti që është mjeran që është si në mesjetë është si një krekosje e gjelit majë plehut. Kur mori të qeveriste kryeqytetin e vendit, ty të dukej kur shëtisje se ishe në ekspozitën e një vendi të çmendur.. Ishte po i njëjti njeri që mori fotot tona 5 me 5 në protestë dhe linçonte këdo nga opozita. Ky thërret vetëm urrejtjen. Kur e çoj në mendje cilin tipar fizik mund t’i bësh Ramës 5 me 5 e kam të vështirë të mos qeshësh. Po ky po drejton një komb që kur pa foton e tij nudo e votoi për kryeministër. Ky flet për civilizim. Ky popull megjithëse e pa në atë gjendje e votoi sërish sepse tregoi që është një popull vlerash thellë-thellë megjithëse e kanë rrënuar shpirtërisht”, tha Duma.
Sa i takon buxhetit 2022, deputetja e PD tregoi një histori personale për të treguar se ky buxhet nuk ishte i mjaftueshëm për të zgjidhur problemet e njerëzve.
“Për buxhetin, flisni ju për ndihmën ekonomike, thatë do bëjmë namin. Shkoja në një shkollë të rrënuar nga tërmeti pak, të prishur për të bërë një tjetër me tender. Jemi mësuar me të keqen në këtë vend. Po prisja autobusin që çonte fëmijët në një shkollë tjetër se kjo shkolla e fshatit ishte prishur. Nënat që prisnin tek autobusi, dhe unë po prisja me një grua që nuk dukej të ishte shumë e varfër. Zbritën fëmijët nga autobusi, njëri prej tyre i shkonte pas, ishte djali i saj. Nëna më tregonte peripecitë për ta çuar dhe marrë. Ai fëmija e ndiqte pas dhe i thoshte o ma 1000 lekëshin, ajo nuk i kthente përgjigje. U largova dhe i thashë pse ta kërkon. Tha nuk dua ta mësoj të marrë borxh, se i ka marrë shokëve 1000 lekë. Nuk kam, nuk më del, kam tre fëmijë. Vetëm burri punon në ndërtim e gati është më thotë ika jashtë dhe pastaj më ikën djali se filloi të pinte hashash”, deklaroi ajo.
Ndër të tjera, ajo tha se ka takuar një vajzë që është përdhunuar nga 5 persona dhe është detyruar që të largohet nga qyteti i saj, ndërsa nuk merr asnjë mbështetje, madje as bonusin e qirasë dhe jo më të ndihet e sigurt.
Discussion about this post