Në fjalën e tij nga Foltorja e Kuvendit ditën e sotme lu po mbahet seanca maratonë për buxhetin 2022, kryedemokrati Lulzim Basha ka akzuuar qeverinë se nuk ka asnjë plan që përmes buxhetit të përmirësojë ekonominë. Përkundrazi, sipas tij qeveria mendon vetëm e vetëm si t’u shtojnë barrën qytetarëve. Sipas tij, shifrat e EUROSTAT tregojnë se 51% e popullit shqiptar janë shumë të varfër, por prap Rama nuk ka asnjë plan për ta, madje dhe borxhin që do të tërheq nuk dihet se ku do ta shpërndajë.
“Borxhi publik prek drejtpërsëdrejti jetët tuaj. Kjo seancë tregon se sa do të shtrydhë qeveria nga xhepat tuaja, pa treguar se kur do të shkojnë këto para. Gjatë komisioneve në kemi kundërshtuar me argumentet tona buxhetin dhe ato ndryshime fiskale. Ne nuk kemi qenë të vetmit që kemi kundërshtuar buxhetin, ka pasur kundërshti të qarta nga Dhoma e Tregtisë Amerikane, Konindustrisë dhe bizneset, asnjë nuk e ka përqafuar këto ndryshime.
Po problemin më të mëdha e vuan qytetari i thjeshtë, nga një spirale largimin që vijon ditë pas dite dhe muaj pas muaji. Ndërsa fletët e votimit që i jepen deputetëve nuk reflektojnë problemet tuaja. 51% është statistika e EUROSTAT që tregon se qytetarët janë në rrezik varfëria, si në një nga më të varfrit në europë”, tha ai.
Sakaq, Basha vuri theksin tek shpërndarja e buxhetit, duke thënë se qeveria për vitin që vjen do të jap fond për PPP 5 herë më të lartë se fondi për indeksimin e pensioneve dhe 3 herë më të lartë se fondi për ndihmën ekonomike. Sipas tij , kjo ndodh për shkak se qeveria nuk mendon për familjet që zhyten në borxhe.
“Kjo qeveri ka kohë që i bënë llogaritë pa bazë, nuk ka nevojë të jesh ekonomistë që të kuptosh se si në kohën më të keqe në mënyrë tinëzare kjo qeveri kërkon të rrënojë buxhetin, nëpërmjet PPP-ve. Indeksimet dhe pagat në rritje janë shpifje dhe propagandë. Sot iu shtohet borxhi edhe më i madh dhe ky nuk ka asnjë planë për ju, plani i vetëm është të hap thesin për miqtë e zakonshëm.
Rama nuk pyet për familjet që çdo ditë shtojnë listat e borxheve në dyqane, asgjë nuk është menduar për të, sepse në të kundërt nuk japin dot 113 milionë euro për PPP-të. 5 herë më i lartë se fondi i parashikuar për indeksimin e presioneve dhe 3 herë më i lartë se fondi për familjet në nevojë”, u shpreh ai, duke thënë se buxheti 2022 mendon vetëm për oligarkët.
Discussion about this post