Në mbledhjen e Komisionit për Edukimin dhe Mjetet e Informimit Publik, nënkryetarja e Partisë Demokratike, Grida Duma ka kritikuar ministren e Shtetit për Rininë dhe Fëmijët, Bora Muzhaqi lidhur me buxhetin e vitit 2020 për shkollat.
Duma ka thënë se buxheti për fëmijët është qesharak, pasi sipas llogarive të saj, i bie 3.5 euro për fëmijë, ndërsa kryebashkiaku Veliaj bën foto në hotele të shtrenjta.
“Ju përgëzoj se jeni vajzë e re. Do të doja të vazhdoja me çdo gjë pozitive. Ministria e Shtetit për Rininë dhe Sportin nuk mund të reduktohet në Pallatin e Pionerëve. Metaforë, se kështu është shndërruar. Kemi një buxhet që për 1 milionë e 813 mijë nëse e pjesëtoni është 0.7 euro për fëmijë. Ju do të thoni që nuk kanë nevojë për buxhetin tonë. Gjysma kanë nevojë, d.m.th. 1.4 euro për fëmijë. Kanë nevojë 1/3, që i bie 2.8-3 euro për fëmijë, apo 1/5, 3.5 euro për fëmijë. Që këtu duhet të thoni që buxheti është qesharak. Nuk na del, nuk po bëjmë asgjë dhe në mënyrë ironike po thoni po bëjmë disa projekte vanitoze me bashkinë e Tiranës, po bëni foto te Plazza ai Veliaj. Ku nuk adresohet varfëria në asnjë pikë të buxhetit tuaj, besoj për moshën dhe brezin që përfaqësoni duhet të thoni nuk e bëmë dot misionin. Kur e konsideroj të hareshëm atë buxhetin me aktivitet, buxhetimi të bëhet në konsultë me grupet e interesit. Keni lënë përjashta dhe keni marrë OJF në mënyrë partiake. Nuk e kam me ju, por e kuptoj zinxhirin e pushtetit që nuk ju konsideron fare”, tha Duma.
Gjithashtu deputetja e PD tha se në tetë vite janë mbledhur vetëm pemë, ndërsa në shkolla nuk ka as topa llastiku.
Projekti ‘Ryko’, 215 euro në vit, ku shkon? Na e specifikoni. Thoni që bashkitë kanë në fondin e tyre infrastukturamësimore. 8 vite, Asgjë. Thoni lojëra, mbjellje pemësh, por nuk flisni troç se në shkolla nuk ka topa llastiku. Ku është fondi për këtë infrastrukturë minimaliste? Bëni strategji të integruar, por në shkollat e Tiranës 1 në 4 fëmijë nuk ushqehet”, u shpreh ajo.
Për Dumën, edhe dixhitalizimi rezultoi një dështim, gjë që sipas saj u konfirmua gjatë periudhës së mësimit online.
Discussion about this post