Moti i keq që ka përfshirë vendin ditën e fundit, ka bërë që lumenjtë të dalin nga shtrati dhe që rrezikon disa hektarë tokë të mbjella të përmbyten. Por mesa duket kjo do të jetë edhe një sprovë për Ministrinë e Bujqësisë, fondet e të cilës janë rreth 55% më pak se vitin e kaluar në programin buxhetor të menaxhimit të infrastrukturës së ujitjes dhe kullimit.
Kujtojmë se vitin e kaluar, pra për buxhetin e vitit 2021, për menaxhimin e infrastrukturës së ujitjes dhe për kanalet kulluese, kanë shkuar 3.8 miliardë lekë. Ndërsa në buxhetin e vitit 2022 për këtë sektor janë alokuar 1.6 miliardë lekë.
Në buxhetin e vitit 2022 janë parashikuar edhe mbi 20 milionë dollarë, ose 2,1 miliardë lekë për Emergjencat Civile, i cili do të ndahet në 1,1 miliardë si transfertë e kushtëzuar për bashkitë.
Pra, nëse situata e reshjeve do të vazhdojë me këtë intensitet, me gjasë edhe dëmet mund të jenë të mëdha. Për këto dëme do të duhet të përgjigjet buxheti i vitit 2022 që në fillimet e tij, pasi nëse edhe vera e 2022-shit do të jetë me zjarre si këtë vit, atëherë qytetarët nuk do të kenë ndihmën e shtetit për përballimin e fatkeqësive natyrore.
Gijotina.com
Discussion about this post