PD: Buxheti s’është shpërndarë si duhet, të taksohen më “të fortët”

Deputetë të Partisë Demokratike kanë treguar edhe sot kritikat e tyre që kanë në lidhje me buxhetin e viti 2022. Gjatë fjalës së saj në Komisionin e Ekonomisë, deputetja Sorina Koti tha se ky buxhet nuk mund të kalohet pa futur si prioritet në të uljen e borxhit publik. Sipas saj mënyra se si është hartuar ky buxhet nxit rritjen e borxhit dhe as një hap për reduktimin e tij.

“Si PD gjatë këtyre dy javëve në parim të projektbuxhetit, kemi bërë sugjerimet tona, komisionet e tjera kanë raportua sot këtu te ne duke shprehur edhe ato qëndrimin e tyre, ne votojmë kundër në parim për buxhetin 2022 pasi nuk është një projektbuxhet që na sjell atë stimul financiar që kanë nevojë shqiptarët pas dy fatkeqësive. Ne u kemi thënë shqiptarëve që duhet të ulim borxhin, deficitin dhe të rrisim ekonominë, subvencionet dhe mbështetjen direket të fermerëve dhe shtresave në nevojë. Kjo gjë nuk u reflektuar në buxhet në parim dhe shpresoj që të gjitha sugjerimet të merren për bazë nga ministria e financave. Dhe të reflektohen sugjerimet e grupeve të interesit”, u shpreh ajo.

Nga ana, tjetër deputeti Arbi Agalliu evidentoi se buxheti bukë është shpërndarë në mënyrën e duhur, pasi janë dërguar më shumë fonde në zëra, të cilët në kushtet që ndodhet vendin mund të mjaftoheshin edhe me një fond më të reduktuar. Sipas tij ,qeveria duhet të ndryshoj tendencën për të vanë barrat fiskale mbi bizneset e vegjël, por të taksojë më të mëdhenjtë.

“ Unë e shoh si një buxhet jo të shpërndarë siç duhet, nëse objektivi kryesor është mbushja e buxhetit të shtetit, mbushja e gropave që vijën nga abuzimi apo keqqeverisja nuk e shohin me vend që ky buxhet të ketë këtë lloj shpërndarje. Kemi evidentuar se këto që kërkojnë më shumë para dhe mbështetje ,do ju bëja thirrje të dëgjoni grupet e interesit dhe të dalim jashtë politikës dhe të shikojmë të gjithë aty ku është nevoja. Të mos e shohim zgjidhjen te borxhi por te rritja e eficencës së sektorëve përkatës. Të taksojmë tek më i forti, te ata që tregojnë produkte luksi dhe jo ato jetike”, tha ai. Sakaq, deputetët e PD kanë bërë të qartë që do të votojnë kundër këtij projektbuxheti nëse nuk bëhen përmirësime. E.H/ gijotina.com/