Kryeministri Edi Rama ka prezantuar nga foltorja e Kuvendit projekt-buxhetin e vitit 2022, ku konsideroi si arritje menaxhimin e buxhetit të dy viteve që lamë pas.
“Skema e këtij buxheti është dëshmi e një arritje domethënëse të këtyre dy viteve tejet të vështira. Për të mbetur ambicioz për të nesërmen gjatë kurimit të dy plagëve. Plagët e tërmetit po mbyllen dhe ato të pandemisë po trajtohen. Siç flet qartë ky buxhet, asnjë sektor dhe reformë nuk është lënë pas dore. Me këtë buxhet rrisim financimin për të mbështetur njerëzit e këtij vendi, kategoritë më në nevojë, fëmijët dhe të rinjtë. Injektojmë financime në ekonominë kombëtare dhe familjare, duke mbajtur edhe borxhin publik në parametra të sigurt”, tha Rama.
Kreu i qeverisë bëri një bilanc të fushave se ku do të konsistojë ky buxhet, ndërsa premtoi zerimin e taksave në pagat deri në 40 mijë lekë, dhe rritje e pagave për policinë.
“Zerojmë taksën në pagat deri në 40 mijë lekë. Përgjysmojnë taksën mbi pagat nga 400 mijë deri në 500 minë lekë. Përgjysmojnë taksën për forcat e kualifikuara të punës që marrin nga 1.5-deri në 2 milionë, rrisim pagat për mësuesit dhe mjekët. Rrisim pagat deri në 150% për punonjësit dhe drejtuesit e policisë së shtetit që shërbejnë larg vendbanimit. Rrisim pagën deri në 30% për Forcat e Armatosura. Dyfishojmë ndihëm ekonomike. Financojmë indeksimin e mëtejshëm të pensioneve. Financojmë lidhjet e reja me 23 milionë dollarë dhe rimbursimin e barnave për mbi 400 mijë qytetarë”, deklaroi ai.
Seanca plenare e ditës së sotme do të ketë në qendër të diskutimeve, ndër të tjera dhe Eurobondin prej 700 milionë eurosh që qeveria pritet të marrë në tregjet ndërkombëtare.
Discussion about this post