Ernest Merdanaj është shpallur Kampion Europe në peshën 55 kg për taekwondo në evenimentin “Multi Europian Game G2” që është zhvilluar në Sofie të Bullgarisë.
Merdanaj mundi të fitonte medaljen e artë, pas takimeve me kundërshtarë spanjollë e francezë, të cilët renditen në top 3-shen e listës botërore.
Kjo është medalja e tretë në harkun e dy muajve për sportistin e ri të talentuar, pas triumfeve në “Belgium Open G2” dhe “Swedish Open G2”.
Ernest Merdanaj vazhdon përgatitjet për Kampionatin Botëror të muajit gusht nga ku shpreson të kthehet me rezultat pozitiv.
Discussion about this post