Borussia Dortmund duket se nuk i ka larguar fantazmat e javës së fundit të kampionatit të kaluar, në të cilën humbi titullin, duke u bllokuar në një barazim ndaj Heidenheimit debutues në “Signal Iduna Park”. Për BVB ky është barazimi i dytë radhazi, ndërsa Heidenheim merr pikën e parë të sezonit.
Sfida e vlefshme për javën e tretë të kampionatit gjerman u mbyll me rezultatin 2-2, ndërsa ishin vendasit ata që zhbllokuan sfidën.
Në minutën e 7’, Julian Brandt kaloi BVB në avantazh, ndërsa në minutën e 15’, ish-lojtari i Liverpool e Juventus, Emre Can realizoi golin e dytë, duke bërë që ky fraksion të mbyllej me rezultatin 2-0.
Pjesa e dytë, në mënyrë paradoksale, foli për miqtë, të cilët ngushtuan diferencën në minutën e 61’ me Dinkci.
Kleindienst shënoi golin e dytë dhe të barazimit për Heidenheim në minutën e 82’, duke realizuar nga pika e bardhë e penalltisë dhe duke vulosur këtë takim, me vendasit që humbën dy pikë në mënyrën më të pabesueshme të mundshme.
Pas javës së tretë Dortmund renditet në vend të gjashtë me pesë pikë, teksa Heidenheim renditet në vend të 13-të me një pikë.
Discussion about this post