Kastrioti-Bylis është sfida që nis javën e 10-të të Kategorisë Superiore. Vendasit dominuan dhe triumfuan ndaj ballshiotëve duke fituar tre vende në renditje, në sfidën që u mbyll me rezultatin 3-0.
Goli i parë i këtij takimi u realizua nga Morbeck, që shënoi nga pika e bardhë e penalltisë në minutën e 36’ dhe i dhuroi avantazhin ekipit të tij.
Ndërsa Selmani do të dyfishonte rezultatin për krutanët në minutën e 56’. Sfida vazhdoi me këtë rezultat deri në minutën e 81’, moment kur Morbeck shënoi golin e tretë për vendasit dhe golin e dytë personal dhe njëkohësisht vulosi gjithçka.
Pas kësaj jave Kastrioti ngjitet në vend të 5-të me 13 pikë, ndërsa Bylisi bie në vend të 8-të me 11 pikë.
Discussion about this post