Bylisi “7 ballësh” ndaj Pogradecit në Kupë, Teuta nuk gabon ndaj Luzit

Bylisi dhe Teuta janë dy skuadrat e tjera që janë kualifikuar në turin tjetër të Kupës së Shqipërisë.

Ballshiotët mposhtën me rezultat të thellë 7-1 skuadrën e Pogradecit, me takimin që është luajtur në “Adush Muça”.

Golat për skuadrën e Bylisit i shënuan: Souza Ferreyra 3 gola,  Sousa A 2 gola, dhe nga një gol Charles dhe Hodo, ndërsa për pogradecarët shënoi Blaceri.

Ndërkohë nga krahu tjetër djemtë e detit fituan pastër 2-0 ndaj Luzit, duke bërë të mundur kështu edhe kalimin në turin tjetër të këtij kompeticioni.

Karabeci dhe Hebaj do të ishin autorët e golave për skuadrën durrsake.