Bylisi ka prezantuar trajnerin e ri, gjirokastritin Arjan Bellai. Ai është prezantuar para skuadrës, ndërkohë që ka thënë edhe fjalët e para përballë futbollistëve të tij.
“Dua t’ju përshëndes të gjithëve juve djemve që ju kam përballë. Uroj të kemi shëndet dhe mendjen te puna, pasi vetëm ajo të nxjerr faqebardhë.
Dua të falënderoj presidentin për zgjedhjen time si trajner i Bylisit. Njihemi prej vitesh dhe kemi folur shpesh bashkë.
E njoh mirë politikën dhe projektin e klubit, ndaj vendosëm menjëherë të vijmë këtu. Kam një ide për çdonjërin prej futbollistëve, por kjo nuk mjafton, pasi duke punuar do të zbulojmë më shumë”, deklaroi Bellai.
Discussion about this post