Gentian Mezani do zëvendësojë Nevil Deden në stolin e Bylisit. Dede tre ditë më parë u dorëhoq nga drejtimi i ballshiotëve, kjo pas humbjes 0-3 në Shkodër nga Vllaznia.
45-vjeçari Mezani e njeh mirë kampionatin shqiptar, pasi ka drejtuar Flamurtarin, Laçin dhe Luftëtarin, ndërsa aventurën e fundit e kishte në Kosovë, te Gjilani.
“Pas dorëheqjes së trajnerit Nevil Dede, FK Bylis ka kënaqësinë të njoftojë zyrtarizimin e trajnerit të ri, Gentjan Mezani. Trajneri Mezani ka eksperiencë në drejtimin e shumë ekipeve tona të Superiores, por edhe në elitën e futbollit kosovar. FK Bylis i uron mirëseardhjen trajnerit të ri Mezani dhe njëkohësisht falënderon Nevil Deden për kontributin e dhënë në drejtimin e skuadrës sonë. Puna vazhdon, më të bashkuar se kurrë në realizimin e synimeve tona”, njofton Bylis.
Pas 24 javëve kampionat, Bylis renditet në vendin e shtatë, me 24 pikë të grumbulluara dhe synimi është mbijetesa në elitë.
Discussion about this post