Deputeti i PD, Oerd Bylykbashi, ka deklaruar ditën e sotme se me 11 dhjetor do të vuloset largimi i Bashës. Ndërsa po fliste për situatën e PD gjatë një interviste televizive, Bylykbashi deklaroi se, pasi të verifikohen firmat dhe mblidhet Kuvendi bëhet ndryshimi i statutit, por hapi i parë që do ndërmerret është shkarkimi nga detyra i Bashës.
“Kuvendi Kombëtar veprimin e parë që bën ngreh komisionin e vet dhe verifikon format se i verifikon për veten e vet, sepse kryetari mund të jetë në konflikt interesi, është kryetari për t’u shkarkuar. Pasi verifikohet korumi merren vendimet, do ndryshohet statuti dhe gjëja me e sigurt fare është që Lulzim Basha do të shkarkohet. Më pas Kuvendi merr masa për të zgjidhur të gjitha çështjet”, deklaroi ai. Bylykbashi tha e tashmë Basha nuk ka më shpëtim, shkarkimi i tij do të bëhet, madje ai duhet të kishte dhënë dorëheqjen një orë e më parë. Kujtojmë se Basha ka deklaruar që nuk e njeh Kuvendin e thirrur nga Berisha dhe si një kundërpërgjigje ai ka thirru Kuvendin e PD me 18 dhjetor.
Discussion about this post