Deputeti i Partisë Demokratike Saimir Korreshi ka folur për kolegët dhe ish-kolegët e tij demokratë. I pyetur në podcastin “Flak Fare”, se cili nga politikanët është më kavalier, Korreshi është shprehur se në vendin e parë qëndron kolegu i tij, Dashnor Sula. Ai gjithashtu ka ironizuar Lulzim Bashën duke thënë se gjatë kohës që ai ishte kreu i PD-së dhe shoqëroheshin bashkë asnjëherë “nuk e ka futur dorën në xhep”.
Madje, Korreshi është shprehur se “edhe byrekun që bleu, ia pagoi shoferi dhe asnjëherë nuk ka nxjerrë një 2 mijë leksh nga portofoli”.
“Di të them që unë kam njohur shumë çuna kavalierë. Dash Sula është shumë kavalier, Dashi është një nga çunat më kavalierë. Të gjithë demokratët janë kavalierë. Realisht ne i mbajmë sofrat shtruar, me ato pak që kemi, po sofrat tona…Dash Sula është një mik i mirë, kavalier. Po të gjithë demokratët janë, hiq Lul Bashën të gjithë janë kavalierë. Fare, kurrë të fusë dorën në xhep. Edhe byrekun kur e bleu atë ditë ia pagoi shoferi. Unë se kam parë të mbajë portofol e të nxjerrë një 2 mijë leksh”, tha Korreshi.
Discussion about this post