Kryeministri i Kosovës, Albin Kurti, ka paralajmëruar se Serbia ka provokuar sërish të shtunën duke lëvizur trupat e saj ushtarake “rreth 50 metra afër vijës kufitare me Kosovën, në territorin e komunës së Kamenicës”.
Akademiku Enver Bytyçi komentoi në Syri Tvkëtë provokim, teksa u shpreh se këmbënguljen e Vuçiç për të mos njohur Kosovën e konsideron jo realiste, sepse ‘de facto’ Republika e Kosovës ekziston.
“Mora nisje nga një përgjigje e Vuçiç gjatë takimit të tij në një samit në Mal të Zi, ndaj pyetjes së një gazetari rreth Replublikës së Kosovës, ai u përgjigj se Republika e Kosovës nuk ekziston.
Këmbëngulja e zotit Vuçiç për të mos njohur Republikën e Kosovës ishte një këmbëngulje, të cilën une e konsideroj jo realiste sepse de facto republika e Kosovës ekziston… por aq edhe jo në përputhje me të drejtën ndërkombëtare dhe ligjin ndërkombëtar.
Ndonëse presidenti i Serbisë i përmbahet gjithmonë asaj që pavarësia e Kosovës është në kundërshtim me rendin, të drejtën dhe ligjin ndërkombëtar.
Por kemi një fakt, në vitin 2009 Jeremiq ish minsitri i jashtëm i Serbisë u zgjodh dhe kryetar, dhe president, i Asamblesë së Përgjithshme të Kombeve te Bashkuara, ai shtroi çështjen, se për të provuar nëse Kosova është e pavarur ose jo, Asambleja e Përgjithshme do të duhej t’i drejtohej gjykatës së drejtësisë, në Hagë.
Në këto raste gjithmonë hartohet një pyetje, çfarë kërkohet?
Për çfarë duhet përgjigjia e kësaj Gjykate…?”- tha Bytyçi.
Discussion about this post