“Ç’a të bën FBI-ja, s’ta bën perëndia”, pankartat e protestuesve

Me qindra qytetarë janë mbledhur në protestën e thirrur nga opozita kundër qeverisë. Ndërsa ata kanë dalë në shesh me thirrjen “Rama ik”, mbajnë në duar pankarta nga më të ndryshmet.

“Demokracisë i dalim Zot”, “Yje, gati për Burg Brother VIP” “Tigri Tigri po, pastruesja bëri kërdinë”, “Pluralizmit i dalim Zot”, “Ça të bën FBI-ja, s’ta bën perëndia” janë disa prej pankartave që kishin zgjedhur demokratët. Ndërkohë vihet re se nuk ka një pankartë që përmend McGonigal, por vetëm FBI.

Me moton ‘Shqipërisë i dalim zot’ dhe thirrjet ‘Rama ik’ me synimin për të larguar kryeministrin Edi Rama duke kërkuar dorëheqjen e tij, opozita ka thirrur një protestë, e cila po mbahet në bulevardin ‘Dëshmorët e Kombit’ në Tiranë. Sali Berisha, bashkë me aleatin e tij Ilir Meta, njoftuan këtë protestë pas arrestimit të ish-zyrtarit të lartë të FBI-së Charles McGonigal, në aktakuzën e të cilit përmendet edhe kryeministri Edi Rama.