Historiani dhe arkeologu i mirënjohur francez, Pierre Cabanes, figurë absolute e shkencës së Albanologjisë, bibliotekën e tij të pasur me kryetituj shkencor, ia dhuron vendit tonë, Shqipërisë. Puna për sjelljen e saj nga Franca, ka nisur mes dy ambasadave, franceze e shqiptare, raporton Televizioni Klan.
“Është një bibliotekë shumë e pasur. Do të ishte një ndihmë e madhe goxha e madhe për studiuesit. Literatura e specializuar është si ujët e pakët, janë gjëra të çmuara dhe të rralla që mezi gjenden,”- u shpreh studiuesi, Marin Haxhimihali.
Siç shprehen dhe kolegët e tij, kontributi i Cabanes në hulumtimin e historisë së Shqipërisë, është i madh, madje edhe i guximshëm, pasi puna e tij kërkimore, për Ilirinë e Jugut dhe Epirin nuk është e lehtë.
Discussion about this post