Inflamacioni dhe grumbullimi i sekrecioneve në mushkëri, si pasojë e të ftohurës apo gripit, mund të shkaktojë vështirësi në frymëmarrje dhe probleme me gjumin. Bllokimi që ndodh në kraharor shoqërohet shpesh me kollë të fortë, nëpërmjet së cilës mushkëritë përpiqen të pastrohen. Gripi dhe e ftohura nuk janë shkaktarët e vetëm të këtij bllokimi, pasi mund të ndodhin edhe nga bronkiti, astma, fibrozë cistike ose alergjitë. Mund t’i ndihmoni mushkëritë duke konsumuar lëngje të ngrohta si supa, çajra bimorë, etj. Një nga ushqimet më të rekomanduara nga ekspertët për pastrimin e mushkërive është mjalti. Një i rritur mund të konsumojë një lugë gjelle me mjaltë çdo 3 deri në 4 orë. Ushqime të tjera të dobishme për këtë problem janë hudhra, limoni, erëzat, shega dhe xhenxhefili.
Përbërësit:
½ lugë çaji (2-3 gram) xhenxhefil pluhur
½ lugë çaji (2-3 gram) spec djegës pluhur
¼ filxhani çaji (100 ml) uthull molle e pafiltruar
3 lugë gjelle (15 ml) mjaltë
¼ filxhani çaji (100 ml) lëng limoni të freskët
Përgatitja: Zjeni uthullën dhe lëngun e limonit derisa të marrin valë. Hiqeni nga zjarri dhe shtoni mjaltin, xhenxhefilin dhe specin djegës. Përziejini mirë derisa të krijoni një lëng me përmbajtje uniforme. Vendoseni në një shishe qelqi dhe konsumoni një lugë gjelle dy herë në ditë për 2-3 ditë me radhë. Për ata që kanë probleme me gjumin si pasojë e bllokimit të mushkërive, rekomandohet të përdorin dy jastekë dhe të mbajnë kokën ngritur për të parandaluar kollën dhe vështirësitë me frymëmarrjen. Nëse sekrecionet zgjasin më shumë se tre ditë, përkeqësohen ose kanë ngjyrë jeshile ose të verdhë, duhet të konsultoheni me mjekun.
Discussion about this post