Caka: Gëzuar 1 Prillin Erion, si mashtroi për ujë të pijshëm 24 orë

Silva Caka nga Partia e Lirisë ka bërë një video postim ditën e sotme duke i përmendur premtimet e pambajtura, kryebashkiakut Erion Veliaj.

Ajo tha se Erion Veliaj premtoi që brenda vitit 2022 taracat e pallateve në Tiranë do të çliroheshin më në fund nga depozitat të cilat rrezikojnë jetët e banorëve.

Ajo shtoi se sot as 8 vitesh të gjithë banorët e Tiranës e kanë kuptuar që Erion Veliaj vetëm gënjen dhe se nuk ka furnizim me 24 orë ujë.

“Siç e dëgjuat dhe patë edhe ju Erion Veliaj premton që Brenda vitit 2022 tarracat e pallateve në Tiranë do të çliroheshin më në fund nga depozitat të cilat rrezikojnë jetët e banorëve. Sot është 1 prilli ditëlindja e Erion Veliajt dhe ky që shihni pas meje është realiteti i depozitave të ujit në tarracat e pallateve në Tiranë. Pas 8 vitesh të gjithë banorët e Tiranës e kanë kuptuar që Erion Veliaj vetëm gënjen.

Furnizimi me ujë 24 orë nuk u realizua kurrë nga Erion Veliaj, cilësia e ujit është skandaloze në Tiranë, depozitat janë ende në Tiranë dhe çmimi i ujit ka shkuar jo si në Bathore por si në Dubai. Gëzuar ditëlindjen Erion!”, shprehet Caka.