Gjykata e Posaçme ka vendosur datën për seancën e verifikimit të kushteve për masën e caktuar ndaj xv/kryeministres Belinda Balluku.
Seanca është caktuar të mbahet nesër ditë e shtunë, ora 09:00. Sipas raportimeve, pë mbajtjen e seancës janë njoftuar SPAK dhe po njoftohen të dyshuarit.
Ditën e djeshme gjykata caktoi dy masa sigurie ndaj Ballukut. Pezullimin nga detyra si zv/kryeministre dhe ministre e Energjisw dhe Infrastrukturës si dhe ndalimin e daljes jashtë territorit të Shqipërisë.
Numri dy i qeverisë Rama është marrë zyrtarisht e pandehur, në 31 tetor 2025 dhe akuzohet nga Prokuroria e Posaçme për “shkeljen e barazisë në tendera e ankande publikë” e kryer në bashkëpunim, në procedurën për ndërtimin e Tunelit të Llogarasë-
Ajo dyshohet edhe për abuzim me tendera për lotin 4 të Unazës së Madhe. Burime pranë akuzës bëjnë me dije se janë siguruar prova se ky tender ka qenë fiktiv dhe me fitues të paracaktuar. GJKKO ka caktuar ndaj zv.kryeministres masat e sigurisë “pezullim nga detyra” dhe “ndalim i daljes jashtë vendit”. Gjithashtu është caktuar masë sigurie “arrest shtëpie” për dy ish-vartësit e saj, drejtorit të KESH, Erald Elezi dhe kreut të ARRSH-së, Gentian Gjyli.
Discussion about this post