Francezi Benoit Bastien si kryesor, me ndihmësat e tij Hicham Zakrani, Aurelien Berthomieu dhe Thomas Leonard do jenë ata që do vendosin drejtësi në “EPET Arena” të Pragës, aty ku të premte në 20:45 kombëtarja shqiptare e futbollit luan kundër Çekisë për ndeshjet e treta në Grupin B1 të Ligës së Kombeve.
Shqipëria sfidon Çekinë në një ndeshje vendimtare në këtë edicion të Ligës së Kombeve.
Kjo është hera e parë që Benoit Bastian gjykon Shqipërinë në arenën ndërkombëtare. Ai është prej 10 vitesh gjyqtar i FIFA-s dhe bëhet fjalë për një emër me përvojë në arenën ndërkombëtare. Sfida mes Shqipërisë dhe Çekisë pritet me interes, pasi do të përballen dy kombëtare që synojnë kreun e grupit.
Bilanci mes dy skuadrave në përballjet direkt është në ekuilibër të plotë.
Në 3 ndeshje të luajtur, secila skuadër ka fituar nga një takim, ndërsa një sfidë është mbyllur në barazim.
Fitorja e djemve kuqezi erdhi fiks një vit më parë kundër çekëve (3-0), më 12 tetorin e 2023 për kualifikueset e Euro 2024.
Discussion about this post