Ndonëse përkohësisht, Ramon Menezes do të jetë drejtuesi i ri i kombëtares braziliane të futbollit, që le pas në këtë mënyrë zhgënjimin në Botërorin e Katarit me teknikun Tite.
50-vjeçari ka drejtuar më herët ekipin e U20 të Seleçao, me të cilin ka fituar dhe Kampionatin e Amerikës së Jugut për këto mosha.
Zyrtarizimi erdhi pas një takimi që Menezes zhvilloi me presidentin e Federatës së Futbollit, Ednaldo Rodrigues. Takimin e parë në këtë detyrë të rëndësishme ai do ta nisë në përballjen miqësore me Marokun më 25 mars.
Ndërkohë, ëndrra e madhe e drejtuesve të futbollit brazilian quhet Carlo Ancelotti, por trajneri italian do e mbyllë sezonin te Reali i Madridit.
Discussion about this post