Gjyqet në FIFA e CAS janë bërë normale në botën e futbollit. Te Tirana kanë humbur të radhës, këtë herë kundër brazilianit Elton Cale. Sulmuesi anësor pretendonte 95500 euro, por FIFA nuk i ka dhënë të drejtë plotësisht.
“Panorama Sport” në artikullin e publikuar shkruan se Tirana pretendonte se i detyrohej futbollistit 17 mijë euro, por FIFA i ka dhënë të drejtë atij për 67 mijë e 800 euro.
Tirana duhet ta shlyejë Cale ose të arrijë një marrëveshje, ndryshe i bllokohet merkato. Për të mbetur te gjyqet, i fituar ka dalë Laçi me klubin e Menemenspor.
Kurbinasit kishin fituar ndaj turqve në FIFA për taksën e formimit të Gentian Selmanit. Bëhet fjalë për një shumë që kap shifrën 120 mijë eurove. Turqit shkuan në CAS, por jashtë afateve dhe vendimi i FIFA-s ka mbetur në fuqi.
Discussion about this post