Shumë zhurmë rreth Milanit. Hakan Calhanoglu, fantazisti turk i kuqezinjve, është drejt largimit dhe për më tepër drejt rivalëve të Juventusit.
Ky është lajmi i fundit nga gazetari Daniele Longo, i cili shkruan se bardhezinjtë janë në bisedime të avancuara për transferimin e mesfushorit me parametra zero.
Firma është pranë dhe Calhanoglu do të përfitojë 5 milion euro në sezon, një më shumë se sa i ka ofruar Milani për të rinovuar.
Zhvillimi tjetër nga kampi kuqezi lidhet me pasuesin e turkut. Il Tempo shkruan se Mino Raiola i ka propozuar Milanit që në vend të Calhanoglu ta marrë Henrikh Mkhitaryan, të cilit i përfundon kontrata më 30 qershor.
Armeni ka bërë një sezon fantastik me Romën, duke shënuar 11 gola e duke dhënë 11 asiste në 32 ndeshje.
