Turizmi italian në Shqipëri ka bërë që televizionet italiane të bëjnë kronika në lidhje me bumin turisik. Canale 5 në një kronikë të publikuar ditën e sotme, thekson se në Shqipëri po flitet italisht, për shkak të turistëve të shumtë. Po ashtu theksohet se çmimet e ulëta në Shqipëri kanë bërë që italianët të preferojnë vendin tonë.
“Aeroporti i Tiranës flet italisht. Asnjëherë më parë nuk kanë qenë kaq të shumtë turistët që mbërrijnë nga Italia për të kaluar pushimet duke u larguar nga çmimet e shtrenjta të shtëpisë sonë. Në dy vitet e fundit numri i turistëve italianë në Shqipëri është rritur ndjeshëm. Në vitin 2022 ishin mbi 70 përqind më shumë se sa në vitin 2021,” thuhet në kronikë.Turistët italianë janë shprehur se arsyeja kryesore që zgjedhin Shqipërinë janë çmimet e ulta.
“Avioni, shtëpia dhe akina vetëm 150 euro. Bregdeti i Durrësit ka një linjë të gjatë plazhi ku një çadër jepet me një çmim të leverdisshëm. 5 euro një çadër dhe 2 shezlonge. “Fillova të sjellë edhe familjen dhe miqtë e mi, tani ata po vijnë vetë edhe pa mua,” shprehen turistët italianë.
Discussion about this post