Ndërkohë që pritet t’i bashkohet Bayern Munichut për habinë e të gjithëve në formën e një huazimi me opsion blerjeje të vlerësuar në 70 milionë euro, Joao Cancelo ka zyrtarizuar largimin e tij në rrjetet sociale. Portugezi ka postuar një video në Instagram duke rrëfyer momentet e tij më të mira me Manchester Cityn . 28-vjeçari bën të ditur se historia e tij me Cityzens nuk ka përfunduar.
“Cityzen një herë, Cityzen gjithmonë. Faleminderit”, shkruan ai.
Cancelo do t’i bashkohet Bayernit për pjesën e mbetur të sezonit, me klubin e Bundesligës që ka opsionin për të blerë portugezin për një shumë prej rreth 70 milionë euro kur marrëveshja e huazimit të përfundojë.
City nuk ka gjasa të blejë dikë për të zëvendësuar Cancelon, me Guardiolën që ka mjaftueshëm mbulesë për të dy pozicionet e mbrojtësit të krahut si Kyle Walker, Rico Lewis, John Stones, Nathan Ake, Laporte dhe Sergio Gomez.
Discussion about this post