Çantat plot me marijuanë, arrestohet shqiptari dhe dy maqedonas në Greqi

Mbi 44 kg marijuanë janë sekuestruar në Greqi. Në pranga ka rënë një shqiptar dhe dy maqedonas.

Operacioni është ndërmarrë nga DEA amerikane me seli në Athinë, në bashkëpunim me Policinë e Kilkisit. Në kufirin Maqedoni e Veriut-Greqi janë sekuestruar, duke u futur brenda territorit grek, dy çanta që përmbanin 40 pako me 44 kg e 122 gram marijuanë.

Për ngarkesën e drogës u arrestuan dy shtetas nga Maqedonia e Veriut, 41 dhe 45 vjeç.

Operacioni vijoi në Selanik, ku u arrestua shqiptari 40 vjeç, i cili priste lëndën narkotike.

Atij iu sekuestruan edhe 2 400 euro, që do i paguante për transportin e drogës deri në Selanik.

Çantat plot me marijuanë, arrestohet shqiptari dhe dy maqedonas në Greqi