Cassano nuk ndalet, kritikon Inzaghin për Asllanin: Është shumë i fortë, por luan me frikë

Antonio Cassano nuk ndalet, teksa këtë herë kritikat e tij shkojnë për trajnerin e Interit, Simone Inzaghin për Kristjan Asllanin.

Paraqitja e mesfushorit të kombëtares u komentua pozitivisht, megjithatë duket se ish-lojtarit të Interit i ka bërë diçka përshtypje në lidhje me ndeshjen e zhvilluar nga 20-vjeçari ndaj Romës. Barezi që na ka mësuar duke folur haptazi thekson se mesfushori shqiptar luan i frikësuar pasi trajneri Inzaghi nuk i beson.

“Problemi i Interit qëndron në mesfushë, në ndeshjen e fundit aktivizuan atë djaloshin (Kristjan Asllanin) i cili është shumë i fortë. Por, në fushë shihet që luan i frikësuar sepse trajneri Inzaghi nuk i beson. Kështu ndodh edhe me Robin Gosens, duket si një “peshk jashtë ujit”. Inzaghi bën mirë të “zgjohet” pasi përndryshe do të jetë shumë vonë”, u shpreh Cassano.