Antonio Cassano, ish-lojar i ekipeve të mëdha si Roma, Milan, Inter, Real Madrid…, ishte shumë i ashpër ndaj Cristiano Ronaldos në një bisedë në ‘Viva el futbol’ me Nicola Ventolan dhe Lele Adanin.
“Cristiano Ronaldo nuk di të luajë futboll. Mund të shënojë 3000 gola, nuk bën një m*t. Ata që dinë të luajnë futboll janë Higuaín, Lewandowski, Benzema, Agüero, Ibra, Suarez.”
Ish-futbollisti 42-vjeçar argumentoi se lojtarët e sipërpërmendur “dinë të luajnë futboll si ekip, ndërsa Cristiano ka si qëllim vetëm të shënojë.”
Cassano e argumentoi mendimin e tij duke u shprehur se “gjatë tri ose katër viteve të fundit në Madrid, CR7 ishte qendërsulmues. Ai ka qenë gjithmonë një anësor i majtë. A doni ta vendosni në mesin e këtyre sulmuesve? Ata që përmenda kanë diçka e përbashkët… Higuaín, Agüero, Lewandowski, Benzema, Ibrahimovic dhe Luis Suarez dinin të luanin me shokët e tyre të skuadrës.
Discussion about this post