Pep Guardiola i ka të qarta idetë e tij për lojën dhe pozicionimin e lojtarëve në fushë dhe e studion çdo gjë në detaje. Futbollistët e tij te Manchester City, i zbatojnë në mënyrë perfekte në fushën e lojës idetë e tij.
Rasti më i fundit në ndeshjen ndaj Leicester (6-3) në Boxing Day. Një ndeshje në pjesën e parë të së cilës City ishte i pandalshëm dhe po fitonte 4-0. Më pas erdhi edhe reagimi i Leicester që e çoi rezultatin në 4-3.
Takimi la një pamje të qartë të punës së Guardiolës gjatë stërvitjes. Lojtarët ekzekutuan në mënyrë perfekte një nga idetë e futbollit të Pep, një ide që ai e ka përmendur në librin ‘Herr Pep’, një vepër e Martí Perarnau e botuar në vitin 2014, gjatë kohës së tij te Bayern Munich.
“Idealja është që qendra të jetë e hapur, ana brenda dhe fundi të hapur për të kaluar direkt tek ai. Nëse pasimi shkon mirë, keni arritur të hidhni të gjithë qendrën e fushës armike; nëse e humbni topin, mbrojtja juaj e plotë mund të vrapojë në hapësirën menjëherë. Bëhet fjalë për modifikimin e planeve të presionit të rivalit me sjelljen tuaj. Mbrojtësi ynë i krahut hyn brenda dhe e tërheq zvarrë anësorin rival; nëse ai nuk e ndjek atë, atëherë ju tashmë keni një njeri të lirë; nëse ai që është do ta mbulojë është mesfushori, atëherë brendësia jonë do të jetë e lirë. Dhe kështu gjatë gjithë kohës”, thuhet në të.
Dhe kjo është pikërisht ajo që lojtarët e Manchester City bënë në fushën e lojës me anësorët Cancelo dhe Zinchenko, të dy nga brenda, dhe anësorët Sterling dhe Mahrez në ekstremet anësore.
Discussion about this post