Në një bashkëbisedim me gazetarët pas konferencës së përbashkët me Vuçiç dhe Dimitrov, kryeministri Rama u pyet lidhur me incidentin e ndodhur në Beograd pak ditë më parë, ku disa të rinj serbë heqin dhe më pas djegin flamujt shqiptarë në bulevard.
Pyetjes nëse presidenti serb i kishte kërkuar ndjesë për ngjarjen, Rama u përgjigj se Vuçiç nuk kishte përse kërkonte falje për veprimin e bërë nga një “personazh ekstremist”.
“Pse duhet të kërkohet falje kur një personazh ekstremist, çdo vend ka kokëboshët e vet, çdo pyll ka derrat e vet. Është arrestuar nga policia dhe po ndiqet penalisht. Flamurët shqiptarë janë kudo, jam i bindur se të gjitha gjërat që ndodhin janë të pashmangshme sepse situata është e nxehtë mes shqiptarëve mes serbëve për shkak të mosnjohjes së Kosovës. Edhe tensionet më të mëdha të ndodhin, sot zbehen më shpejt se më parë. Jemi dy kombet më të mëdha në rajon, mund të bëjmë atë që francezët dhe gjermanët bënë për Europën”, tha Rama.
Më tej, ai tha se marrëdhëniet me Serbinë kishin arritur në një pikë ku edhe nëse do të kishte tensione do të shuheshin më shpejt për shkak të marrëdhënieve diplomatike.
Discussion about this post