Politikani Neritan Ceka parashikon se në Shqipëri dy forcat kryesore PS dhe PD do të shkojnë drejt shkrirjes, ndërsa rotacionin do e sigurojë një forcë e re politike.
Në studion e News24, Ceka tha se në Shqipëri do të ndodhë ajo që ka ndodhur në Itali, ku partitë tradicionale u shkrinë dhe lindën parti të reja.
Ceka tha se Partia Demokratike po shkon drejt asgjesimit, por sipas tij, kjo do të ndodhë edhe me Partinë Socialiste, pavarësisht se sot duket se i ka të gjitha pushtetet.
I angazhuar në politikë prej 1990, Ceka tha se kjo situatë ky ndodhet vendi është rezultat i djegies së mandateve të deputetëve nga opozita, bojkoti i zgjedhjeve në 2019 dhe kompromiset që u bënë dhe që sot kanë sjellë këtë situatë.
“Për të gjitha këto përgjegjësia bie mbi Lulzim Bashën dhe ata që sot përfaqësojnë PD-në e vulës dhe çelësit”, tha Ceka.
Ai u shpreh se Genc Pollo, Jorida Tabaku apo Jozefina Topalli mund të jenë modele që mund të ndiqen për të riorganizuar Partinë Demokratike.
Lidhur me zgjedhjet e 14 majit, Ceka tha se në këtë proces nuk votuan qytetarët për kryebashkiakë apo për programe, por u votua pro dhe kundër Berishës apo Ramës.
“Berisha mori votat e atyre që nuk donin Ramën, ndërsa këtë të fundit e votuan një pjesë e atyre që nuk duan Berishën”, tha Ceka.
Ai u shpreh se Lulzim Basha e ka mbyllur karrierën politike në Shqipëri, ndoshta mund të shkojë në Bruksel të aplikojë për ndonjë pozicion. Ceka tha se Edi Rama mund të vijojë të qëndrojë në pushtet edhe 4 vite të tjera, megjithëse ai do të donte të rrëzohej që sot.
Discussion about this post