Arkeologu i famshëm Neritan Ceka i ftuar në “Ora e Betit” nga Beti Njuma është shprehur se historia me Butrintin është histori e vjetër që i ka fillimet në vitin 2008 kur ndryshoi sistemi i parqeve arkeologjike. Ai tha se ka kohë që ka filluar kjo strategji.
“Duan që të përfitojnë nga dhjetëra breza që kanë punuar në Butrint. Kjo histori është e asaj kohe. Pastaj shtohet nenet e trashëgimisë kulturore në vitin 2008 ku futet edhe menaxhimi nga fondet”, thotë arkeologu për strategjinë e Butrintit.
Ceka tha se qeveria me vendimin e saj do që ta bëjë Butrintin si greko-romak dhe jo shqiptar ashtu sikurse është në realitet por pa shqiptarët këta nuk bëhen.
“Kjo është një pasuri e shqiptarëve dhe është Butrinti shqiptar. Nuk ka bord me shqiptarë. Si rrjedhojë do të përjashtojë shqiptarët si të paaftë dhe si nacionalistë dhe për ta bërë si grek. Në materialet që duan t’i kalojnë Kuvendit duan ta bëjnë Butrintin greko-romak që nuk ka qenë”, deklaroi profesori në panelin e të ftuarve për çështjen e Butrintit.
Discussion about this post