Holanda ka bërë një tjetër hap të sigurt drejt kualifikimit në Botërorin 2026, duke mundur me shifrat 4-0 Finlandën për të “blinduar” vendin e parë në grup.
Për skuadrën e Kuman ishte gjithçka e lehtë përballë nordikëve, teksa gjetën rrjetën me radhë Malen, Van Dajk, Depaj dhe Gakpo, duke çuar ekipin në kuotën e 16 pikëve.
Një surprizë e madhe në Grupin L të kualifikueseve të Kupës së Botës. Në një formë të shkëlqyer pas fitoreve kundër Gjibraltarit (1-0) dhe Malit të Zi (4-0), Ishujt Faroe mposhtën Republikën Çeke (2-1) këtë të diel.
Pavarësisht se Adam Karabec i Lyonit barazoi me një gjuajtje nga afër në minutën e 78-të, për Faroet, Hanus Sorensen (67’) dhe Martin Agnarsson (81’) gjetën rrjetën dhe siguruan futiren befasuese 2-1.
Kjo fitore e tretë radhazi pas shtatë ndeshjesh, i lejon Faroes (12) të afrohen me një pikë nga liderët e grupit, Kroacia, e cila do të përballet me Gjibraltarin më vonë sonte në mbrëmje (ora 20:45). Çekët humbën një mundësi të shkëlqyer për të ushtruar presion mbi kroatët.
Edhe Skocia përforcoi pozitën e vet si një prej dy skuadrave të para në Grupin C, falë fitores 2-1 ndaj Bjellorusisë.
GRUPI C
Skoci-Bjellorusi 2-1
17′ Adams, 84′ MekTominej / 90’+6′ Kushko
GRUPI G
Holandë-Finlandë 4-0
8′ Malen, 17′ Van Dajk, 38′ (p) Depaj, 84′ Gakpo
GRUPI L
Ishujt Faroe-Çeki 2-1
67′ Sorensen, 81′ Agnarson / 78′ Karabek
Discussion about this post