Futbollisti i ekipit kombëtar, Endri Çekiçi vijon të shkëlqejë në kampionatin turk me skuadrën e Konyaspor.
Mesfushori ka shënuar golin e tij të dytë këtë sezon në ndeshjen kundër Trabzonsporit.
Gurler harkoi nga e djathta teksa Çekiçi realizoi me stil gërshërë për të barazuar rezultatin në 1-1.
Tek vendasit janë në lojë nga minuta e parë edhe sulmuesi Sokol Cikalleshi dhe Bytyqi.
Çekiçi është aktivizuar në vazhdimësi me kombëtaren kuq e zi por pa mundur të fitojë vendin e titullarit.
