Presidenti i Republikës Ilir Meta ka përshëndetur apelin e kreut të KQZ, Ilirjan Celibashi drejtuar qytetarëve për zgjedhjet e 6 marsit.
Në një postim në facebook, Meta shkruan se e mbështet plotësisht mesazhin e Celibashit, ndërsa shton se vota është fuqia e vetme dhe më e fortë në demokraci.
“E përshëndes dhe mbështes plotësisht mesazhin e Komisionerit Shtetëror të Zgjedhjeve, z.Ilirjan Celibashi drejtuar qytetarëve me të drejtë vote në të gjashtë bashkitë ku do zhvillohen zgjedhjet e pjesshme lokale, me qëllim garantimin e së drejtës kushtetuese për të zgjedhur.
Vota është fuqia e vetme dhe më e fortë në demokraci!”, shkruan Meta.
Më herët, Celibashi sqaroi se procesi i votimit nuk mund të kryhet pa një mjet identifikimi të vlefshëm në ditën e zgjedhjeve, ndaj i bën thirrje qytetarëve, që nëse vlefshmëria e dokumentit të identifikimit ka skaduar apo skadon në datën 6 Mars, të mos e lënë për në momentin e fundit, por të drejtohen pranë zyrave të kompanisë “Aleat” për të aplikuar për rinovimin e tyre.
Discussion about this post