KQZ çertifikon rezultatin zgjedhor edhe në 13 bashki, duke e çuar në 23 numrin e njësive vendore ku rezultati zgjedhor për kryebashkiak dhe këshillin bashkiak është miratuar nga Komisioni Qendror i Zgjedhjeve.
Në seancën e zhvilluar, Kryekomisioneri Shtetëror i Zgjedhjeve, Ilirjan Celibashi, certifikoi rezultatin e zgjedhjeve për kryebashkiakë dhe anëtarë të këshillave bashkiakë në bashkitë: Lezhë, Libohovë, Fushë-Arrëz, Vorë, Divjakë, Poliçan, Skrapar, Pustec, Këlcyrë, Tepelenë, Sarandë, Delvinë Konispol.
Deri më tani, është certifikuar rezultati për kryebashkiakë dhe këshilltarë vendor në 23 prej bashkive të vendit.
Opozita nga ana e saj ka kontestuar rezultatin në disa prej këtyre bashkive, duke dorëzuar 12 kërkesa ankimore.
Në Durrës, Tiranë, Kamëz, Pukë dhe Lezhë koalicioni ‘Bashkë Fitojmë’ ka kërkuar rinumërimin e votave për anëtarët e këshillit bashkiak, ndërsa në Belsh dhe Kuçovë, ka kërkuar rinumërimin e votave për kryebashkiakë.
Discussion about this post